Page 47 - HOSPITAAL

substancianan. Algun atrobe ta pasobra nan yiu tin un tipo di enfermedad, nan a bay
uza e droga y awo nan no sa kico mas pa haci.

Tur ta diferente, pero nan ta keda e mesun importante pa loke ta FADA.

Comprondiendo marihuana:

E importante riba e topico di marihuana ta, pa por compronde kico ta marihuana. Esey

ta e parti di mas importante. E ta un topico cu pa FADA mes, ta haya hopi pregunta. Ta
purba di splik’e na e manera cu e mester ta.

Informacionnan cu ta haya sea di Merca of di Hulanda y no ta algo cu FADA ta djis

menciona con e ta. Ta di investigacionnan cu ta worde haci afo, pa informa comunidad.

Importante ta kico marihuana ta y di e daño cu ta haci cu bo. Tin ta pensa cu e
marihuana ta e bon. Pero tin cu wak e efecto y e daño cu e ta haci, no solamente na un

persona fisicamente, pero kico e ta haci na su parti na su cerebro.

Tambe ki otro daño ta haci na e curpa. E manera mas facil ta, ora cu splica esunnan di
mas chikito. Tin ora e ta dificil pa nan compronde e parti di droga.

Ta worde siña di ora nos ta chikito, cu humamento ta malo p’abo. Di con? E por pone
cu bo por haya por ehempel cancer den bo pulmonnan.

Marihuana tambe, e forma cu ta us’e mas conoci, ta cu bo ta hum’e. Un biaha mas, bo
ta perhudicando bo pulmonnan cu bo por haya cancer na bo pulmonnan. Ya eynan caba
ta djis un parti cu a menciona, cu por ta peliger pa bo curpa.

Sin laga afo e resto di peligernan cu marihuana por trece cun’e. E importante eynan ta
pa wak e peligernan ey y purba di compronde nan, segun Rulienne Arends.

Manera ya menciona, tin mas tipo di adiccion cu droga. Y esey ta algo cu sigur nos

mester tene cuent’a cune. Tur adiccion tin e mesun sintomanan cu nan ta dunabo
depresion, bo no por drumi, pasobra bo ta pensa riba e actividad of substancia. Bo tin
ansiedad y esakinan tur ta afecta bo bida diario y bo bida social.