Page 43 - HOSPITAAL

Esey ta e parti di mas importante. E ta un topico cu pa FADA mes, ta haya hopi pregunta.

Ta purba di splik’e na e manera cu e mester ta.

Informacionnan cu ta haya sea di Merca of di Hulanda y no ta algo cu FADA ta djis

menciona con e ta. Ta di investigacionnan cu ta wordo haci afo, pa informa comunidad.

Importante ta kico marihuana ta y di e daño cu ta haci cubo. Tin ta pensa cu e marihuana

ta e bon. Pero tin cu wak e efecto y e daño cu e ta haci, no solamente na un persona
fisicamente, pero kico e ta haci na su parti na su celebro.

Tambe ki otro daño ta haci na e curpa. E manera mas facil ta, ora cu splica esunnan di

mas chikito. Tin ora e ta dificil pa nan compronde e parti di droga.

Ta wordo siña di ora nos ta chikito, cu humamento ta malo p’abo. Dicon? E por pone cu

bo por haya por ehempel cancer den bo pulmonnan.

Marihuana tambe, e forma cu ta us’e mas conoci, ta cu bo ta hum’e. Un biaha mas, bo ta

perhudicando bo pulmonnan cu bo por haya cancer na bo pulmonnan. Ya eynan caba ta

djis un parti cu a menciona, cu por ta peliger pa bo curpa.

Sin laga afo e resto di peligernan cu marihuana por trece cun’e. E importante eynan ta pa

wak e peligernan ey y purba di compronde nan, segun Rulienne Arends.

TIN CU TENE CUENTA CU TUR TIPO DI ADICCION

Manera ya menciona, tin mas tipo di adiccion cu droga. Y esey ta algo cu sigur nos

mester tene cuent’a cune. Tur adiccion tin e mesun sintomanan cu nan ta dunabo

depresion, bo no por drumi, pasobra bo ta pensa riba e actividad of substancia. Bo tin

ansiedad y esakinan tur ta afecta bo bida diario y bo bida social.