Page 38 - HOSPITAAL

Esaki ta un topico cu a trece padilanti durante di e conferencia di prensa di Departamento

di salud publico a bin cun’e dialuna mainta, unda cu psikiatra dr. Cesar Perez Leon a

splica cu adiccion ta un malesa fisico, segun e Organisacion Mundial di Salud (WHO).

Segun dr. Perez, adiccion tambe ta un malesa fisico, psico-emocional. E ta crea un

dependencia y un necesidad di e persona for di e punto di bista di usa e substancia y

tambe un actividad of di un nivel di funcionamento determina, cu ta trece como

consecuencia sintomanan cu conhuntamente tin e relacion riba e parti biologico, parti

genetica y como parti social y psicologico di un persona.

Den actualidad ta existi hopi pensamento riba un adicto. Hopi biaha nos ta kere cu

adiccion ta un fenomeno cu tin di haber cu e moral di un persona, cu e tin di haber cu e

no ta un malesa.

Hopi biaha nos ta kere cu ta un situacion cu ta pasando pasobra e persona mes kier.

En realidad tin cu pensa semper cu un adicto ta un persona cu ta malo. Ta un persona cu

tin un malesa den su celebro caba. Cu e droga a haci un daño den su cabes. Cu e no por
tin e forsa, e boluntad necesario pa por stop di usa droga.

Ta papiando di adiccion como un malesa cu ta daña e celebro di un persona, cu ta crea un

conflicto, tanto na nivel social, como na nivel di persona, como nivel laboral, y asina nos

por sigui.

Si nos ripara bon bon kico ta e droga mas consumi na mundo den actualidad, nos tin cu

papia di marihuana, cocaina, alcohol y cual ta un droga legal y hopi importante. Diferente

cientifico ta papia cu alcohol ta un di e droganan cu ta haci mas daño na e mundo aki.