Page 56 - HOSPITAAL

Ta bin ta bisando constantemente den e ultimo añanan, cu na momento cu ta haci

presentacion na scolnan, cu den un edad di 4 aña caba, ta haya e chikitonan cu sea a

purba alcohol, of tin marihuana cerca di nan.

Esaki ta un hecho, pasobra e ta bin dilanti.

E edad ta bahando pa loke ta uso di un tipo di droga. Sea e ta marihuana of e por ta

alcohol tambe. Pesey toch mester para keto y wak na e parti di prevencion.

FADA ultimo tempo ta purbando di bin cu campañanan nobo, campañanan diferente,

unda cu ta keda mustra no solamente mucha y hobennan, pero tambe e adultonan riba e

peliger pa loke ta droga.

No solamente droga, pero tambe alcohol. Pa loke ta e muchanan, tin cu corda cu nos

hobennan ainda ta bezig den desaroyo. Esaki tin efecto riba loke ta nan desaroyo.

Arends a splica cu apart di droga y alcohol, tin otro tipo di adiccion tambe cu ta bin

dilanti, unda cu recientemente FADA a haya hopi yamada pa loke ta gamble.

Si mira e parti di casino na Aruba, por mira e parti di Lotto cu tambe por bin dilanti. A

haya hopi yamada y pesey tambe FADA ta purbando di un forma pa haya e grupo cu ta
sinti cu nan ta riba e caminda di adiccion of ya nan ta adicto caba na gamblemento, unda

cu ta purbando, hunto cu un grupo pa elabora riba esaki, den ki forma nan ta desea e

ayudo, pa asina traha un plan, hunto cu CAA, cu ta parti di e guia, pa asina esnan cu tin

adiccion di gamblemento tambe por haya yudansa.