Page 57 - HOSPITAAL

Otro topico importante cu FADA a haya honor pa bay na September, ta e parti di video-

gaming y internet adiccion. E por ta un topico cu por ta na Aruba no ta mucho conoci

cun’e, of den ki forma video-gaming por ta un adiccion.

Pero esaki ta presenta na paisnan grandi, unda cu por wak cu e ta bin mas dilanti den e

forma cu hobennan ya a bay asina leu pa haci actonan manera mata nan mayornan, mata

nan famianan por ehempel.

Aki na Aruba e no a yega asina leu, pero si tin di bisa cu papiando cu e hobennan, nan ta

bisa cu tin di nan a yega di kibra television, tin a yega di kibra e wega mes, pasobra nan

ta perde.

Esey caba por ta un peliger. Mester corda semper pa no pensa solamente riba e adiccion
droga y alcohol, pero otro formanan tambe.

Uno adiccion cu segun Arends, cu ta yega mas yega na tur hende, ta loke ta celular.

Awedia, constantemente tur hende, practicamente tin un celular. Tin hopi biaha

personanan no a mishi cu e telefon pa un ora, bo ta bay haya un grupo cu ta bay bisa cu

nan no por ni cinco minuut sin keda wak, manera cu e telefon a vibrate. Esey tambe por

yega na un adiccion.

E por yega asina leu cu ya bo ta bay depende fisicamente y mentalmente di un obheto.

Den e caso aki ta e celular, Arends a splica.

TIPSNAN DI FADA

Tipsnan cu FADA por duna na esnan cu ta mas grandi, pasobra adulto ta e ehempel pa

esun mas chikito.