Page 48 - SOC JAN 18

Abogado Wix riba sentencia di huez contra RIU: Hues a
asumi cierto cosnan cu no ta cuadra pasobra nunca a mira e

mini bar den cambernan di RIU

Tuesday, 17 January 2017 20:21
Comparti

Nos a papia cu mr. Ronny Wix, kende hunto cu su colega Lianne Pieters a representa Riu
legalmente

, riba un decision di hues cu a wordo tuma cu tin di haber cu un empleado a hiba Riu corte.

El a splica un tiki riba e desaroyo aki. Tin un sentencia cu kisas pa falta di informacion hues a
dicta un sentencia cu no a cay den masha bon tera.

El a comenta cu e caso mes no ta un gran cos. E ta un caso masha simpel laboral, caminda cu
hende ta wordo retira pa no cumpli cu ordo di su superior. Den e caso aki
desafortunadamente, e hues no tabata tin un bon impresion di loke a pasa y a kere of a skirbi
den e vonnis en todo caso, caminda cu el a asumi cierto cosnan cu ningun di dos partido a bisa,
pero a gewoon asumi eseynan y ta pone den su sentencia cu e empleado aki a nenga di cumpli
cu instruccionnan di su superior pasobra e instruccionnan aki tabata instruccionnan cu tabata
pa e gaña cu e bebidanan cu tin den e camber, ta yen, mientras tanto cu nan no ta yen.

E ta zona vaag loke ta wordo bisa, pero basicamente ora cu lesa e sentencia aki, ta yega na e
conclusion cu Riu lo ta pone un boter den un bebida den un camber, cu ora un caba, Riu ta
duna e meneer aki instruccion pa habri un boter grandi, yena e boter chikito pone bek y esey
no ta e caso. Pasobra Riu no ta uza boter chikito den nan cambernan.

Abogado Wix a sigui splica cu e boternan aki ta den un bar den camber, cu boternan colga
cabes abao y tin cu hinca e glas bao di e boter y e ta yena e glas. Ta coy e shot cu bo kier di e
bebida cu bo kier y tur ora y tur dia nan ta pasa controla e boternan, ora e boter caba nan ta
geef door, den un procedura interno y e boter aki cu caba ta wordo saca y uno nobo ta wordo
poni. No ta asina cu un boter ta wordo yena. E caba e ta bay afo y un boter nobo ta wordo poni
na su luga. Esey ta conta pa tur e boternan pero di un manera of otro e hues a asumi algo, cual
ta medio basa riba e hecho cu e cabayero aki na final di e tratamento di e caso, ora cu hues a
confront'e cu e pregunta, pakico ta nenga di firma e formularionan y a gaña bisa cu nan kier pa
e gaña. E hues, basa riba gañamento, a asumi cierto cosnan cu no ta berdad.