Page 49 - SOC JAN 18

E abogado a sigui splica cu obviamente e cos aki ta totalmente saca for di contexto. E
proceduranan ta masha simpel. Tin un formulario cu ora un hende sali for di un camber, un
huesped ta check out, nan tin cu bay cu e bar attendantnan y ta controla cu e formulario si tur
boter ta poni den e posicion corecto. Pasobra nan no por ta gedraai poni, blekinan ta wordo
replaced y si e boter ta yen of no ta yen, nan ta skirbi'e.

En todo caso, no ta asina cu tin cu bay skirbi algo cu no ta berdad. Tin cu skirbi loke wak. E
meneer aki cu a haci e caso, su trabao tabata pa controla si e hendenan aki tabata haci nan
trabao corecto. E tin cu controla wak si randomly pa wak si e empleadonan ta haci ta corecto.
Y si e haya algo cu no ta corecto, e tin cu raporta esey. Si nan haci loke ta corecto, e ta sign off
riba e formulario y bisa OK, e tabata nenga di haci esey, pa ki motibo, no ta conoci.

Basicamente nan no a check e storia, pero e ta lamentabel cu e hues a crea of a asumi cierto
cosnan cu gewoon no ta berdad. E hues por ehempel ta bisa cu e persona aki, cu tur su
derecho, a nenga di sigui instruccionnan, pasobra si el a sigui e instruccion, lo esey lo ta encera
cu e tin cu gaña cu tin un boter nobo den e camber y e turistanan mag di spera cu tin un boter
nobo den e camber y e persona aki no kier asumi e responsabilidad ey. Pesey el a nenga. Den
ningun camber no tin boter nobo unless cu e boter caba. Por drenta den un camber y tin
cuater boter cu ta mita yen. Loke hues ta bisa cu turistanan por spera cu tin un boter nobo den
camber no ta cuadra. Esey ta pasobra e hues ta asumiendo cu tin un minibar, manera hopi ta
custuma normal cu e boternan chikito, cual no ta e caso. Ta un bar di berdad cu boter grandi,
segun e abogado. E boternan aki ta sera den un cashi special y ta wordo basha na shot den
glasnan segun deseo di e cliente. E cliente of e huesped no por yega na e boternan. Huez a
dicta un sentencia sin tin un bista real kiko e situacion ta. Pesey mes den su sentencia e huez a
pone cosnan cu no ta cuadra nada pa falta di conocimento.