Page 4 - AWEMAINTA

4 AWEMainta Diabierna, 24 Februari 2017

Contract

historico entre

AZV y boticanan

DIABIERNA, siman pasa, Asociacion di Botica
y AZV a firma un contract. E firma cu sr. Norman
Arends, Tito Tromp y drs. Anco Ringeling a pone
bou di e acuerdo por wordo yama un hecho historico
cu razon.
Prome cu AZV a habri pa cliente na 2001 tabatin
combersacionnan caba cu e grupo di botica y AZV
pa yega na un acuerdo ora AZV lo bira vigente.

Durante tur e añanan semper tabatin palabracionnan
entre AZV y e boticanan, pero nunca a yega asina leu
di firma un contract.
No solamentee hecho cu e acuerdo cu a wordo mane-
ha a bira un contract formal ta algo positivo, pero tin
diferente mehoracion den e contenido.

Awor ta defini cu e doño di botica ta garantisa cu e
boticario ta sigui e normanan di calidad di e KNMP
(Asociacion Profesional di Farmaceutico).

Como un indicador di calidad un cantidad di linea
di guia a wordo palabra: Registracion y analisis di
incidentenan unda e asegurado a ricibi informacion
incorecto; Registracion y analisis di kehonan di ase-
gurado; Intercambio stuctural entre dokter y farma-
ceutico tocante uzo di remedi; Maneho di educacion
pa personal di botica; Control di dosis riba tur remedi
pa muchanan bou di 12 aña; Participacion activo pa
cu uzo di remedinan preferencial.

Tambe a wordo palabra cu e doño di botica ta garan-
tisa cu e botica lo upgrade nan sistema electronico pa
por monitoria e uzo di remedi riba nivel halto.

Otro cambio den e contract ta cu e tarifa di suminis-
tro (receptregelvergoeding) a wordo poni riba 15,79
florin.
E receptregelvergoeding ta un suma cu AZV ta paga
e botica pa cada remedi riba un receta.

E firmamento aki ta un señal cu e confianza a crece
na un nivel unda por papia riba e calidad di cuido cu
ta wordo duna n’e aseguradonan di AZV. Tanto AZV
como e boticanan ta spera di continua di colabora
den bon forma.