Page 12 - BNDIA ARUBA

a12 riba caya
Diabierna 21 Juni 2019

Polis di Bario cu proyecto na scol Colegio Bon Bini

MACUARIMA - Diasabra ultimo polis di bario di dis-
tricto di Oranjestad a organisa un bunita proyecto pa
asina duna bek na comunidad di Aruba.

Durante cu polis a bay asisti den e verkeersexamen na scol
Colegio Bon Bini a surgi e idea pa verf y drecha un par di cos
na e scol. Manera cu polis di bario di Oranjestad a trece e idea
aki na su coleganan , nan a acepta di biaha y asina cuminsa cu
e preparacion pa cu esaki.
E diasabra encuestion polisnan di playa , scol pa polis, e parti
administrativo tambe hunto cu e docente- y mayornan a bin
hunto y den un ambiente placentero a sa di logra e meta pa
cu e dia aki . Ta gradici cada un cu a sa di aporta na e bunita
proyecto ki . Nos ta keda bo amigo Polis.

Lo cera Avenida Watty Vos Blvd te cu rotonde di FCCA pa asfaltamento

ORANJESTAD - Departamento di Obra Publico ta
desea di informa e comunidad di Aruba, pero special-
mente e automobilistanan cu ta haci uzo di e caminda
di Avenida Watty Vos Blvd cu dialuna 24 di juni 2019
for di 9’or di mainta lo cuminsa cera entre rotonde di
FCCA pa rotonde di Cumana pa por cuminsa pone e
ultimo capa di asfalt. E trabounan lo wordo haci den
fase y e duracion di e trabounan aki lo ta 3 siman.

Fase 1. Dialuna 24 di juni 2019 lo cera e banda West (Royal
Funeral) pa asina cuminsa pone e ultimo capa di asfalt. Des-
viacion lo ta via Sabana Blanco, pasa dilanti Archivo Nacional
y sigui pa rotonde di Airport.

Fase 2. Diabierna 28 di juni 2019 lo cera e banda Oost (Kooy-
man) pa asina cuminsa pone e ultimo capa di asfalt. Desvia-
cion lo ta via Sabana Blanco, pasa dilanti Archivo Nacional y
sigui pa rotonde di Aeropuerto. Tambe por pasa via Wayaca,
Primavera, Sero Biento pa yega St. Cruz of Oranjestad.

Fase 3. Diabierna dia 28 di juni 2019 tambe lo cera e rotonde
di FCCA completo pa asina por pone e ultimo capa di as-
falt. Desviacion lo ta via Sabana Blanco, pasa dilanti Archivo
Nacional y sigui pa rotonde di Airport. Tambe por pasa via
Wayaca, Primavera, Sero Biento pa yega St. Cruz of Oranjes-
tad. E rotonde lo habri bek dia 5 di juli 2019.

Fase 4. Dialuna dia 8 di juli 2019 lo cera rotonde di Cumana
completo pa asina por pone e ultimo capa di asfalt. Desvia-
cion lo ta via Cumana y Meiveld pa asina yega Oranjestad,
Paradera y St. Cruz.
E caminda abou di e viaduct lo habri solamente pa 4 dia du-
rante e desviacion. Rotonde Cumana lo habri bek dia 12 di
juli 2019.

Por ultimo ta importante pa menciona cu fechanan di trabou-
nan riba Avenida Watty Vos Blvd. por wordo cambia si haya
inconveniencia. Tambe trabounan riba L.G. Smith Blvd. mes-
ter termina prome cu trabounan di asfaltamento riba Avenida
Watty Vos Blvd. por cuminsa.

En conexion cu e trabounan menciona Mota Engil, Departa-
mento di Obra Publico y KPA ta pidi pa tene cuenta cu e in-
conveniencia cu lo por surgi pa cual nos ta pidi nos disculpa.