Page 40 - KPA
P. 40
Hues Comisario a prolonga detencion di MC Oz
Friday, 09 December 2016 17:35
Comparti
Desde diaranson ultimo, Recherchenan di Jeugd en Zeden Politie (JZP), riba ordo di Fiscal na Ministerio Publico, a
detene e hoben locutor di Power FM, Ostrick Jansen biba na Dakota, conoci na radio como MC Oz. Awe diabierna
mainta Hues Comisario a revisa e proceduranan hiba den e caso y a bay di acuerdo pa prolonga e detencion cu 8 dia
mas.
E detencion di e presentador di radio y alabes Maestro di Ceremonia na varios eventonan publico, tin di haber cu un
keho cu un mucha muhe menor di edad, 14 aña, a entrega contra dje pa inmoralidad. E hoben a keh'e di a tene
relacion sexual cune y pa despues oblig'e di baha bariga ora a resulta cu el a sali na estado.
Abogado mr. Chris Lejues ta su abogado, aunke cu, manera ta conoci, den e prome 10 dianan ta masha dificil pa
defensa por haci mucho debi cu ta e prome dianan pa husticia por investiga, interoga y pa hinca e caso penal den
otro.
