Page 33 - HOH

El a bisa cu AZV tambe ta ricibi clientenan cu ta entrega nan reclamo ya sea
telefonicamente of por escrito. “Nos tambe ta na altura di loke ta biba bao di e
comunidad”, a expresa.

Como vocero di AZV a bisa cu ta bon pa aclarea cu kico ta e funcionnan cu cada
organizacion tin.

AZV ta cumpra e cuido medico na Hospital y Hospital na su turno ta esun encarga cu e

buscamento di personal pa traha den hospital, a indica.

Loke ta importante pa cada persona compronde ta cu AZV ta e seguro. AZV ta cumpra
e cuido medico cerca e dunadornan di cuido, e proveedornan. Sinembargo, e

responsabilidad pa busca e profesionalnan medico ta keda den man di hospital.

AZV loke ta haci ta monitoria. El a duna un ehempel. Na varios ocasion den pasado,
aunke cu hunto cu un grupo di stakeholders manera hospital mes, ImSan ta traha e

manpowerplan. Banda di esey, aunke cu AZV su rol ta solamente e contrato cu
Hospital, dus e pago di e diferente servicionan cu hospital ta duna, tog AZV na varios
ocasion tambe a yuda y a duna un parti extra pa yuda bin den contacto cu
profesionalnan medico di afo.

Ta manda nan tambe informacion di unda por busca e profesionalnan medico pa asina
por haya e tipo di specialismo cu ta wordo rekeri.

Tchong a enfatiza cu no ta asina cu AZV no ta monitoria e situacion. Nan ta monitor
esaki diariamente. “Nos ta regularmente den combersacion cu nan pa asina por mehora
e servicio”, a señala.

E vocero di AZV a agrega cu tambe nan a compronde cu Eerste Hulp a confronta
pashentnan agresivo (verbal of fisico). Kier pa cada dunador di cuido tin e hendenan
capacita pa comunica na un bon manera cu e pashentnan y vooral na e departamento
aki cu ta hopi importante pa tin personanan cu hopi pasenshi y amor pa hende pa por

yuda nan.

E ta enfatiza cu ta importante pa diferencia e rolnan y no pensa cu pasobra AZV ta
pagador esey kiermen cu AZV ta paga y no ta haci nada.