Page 13 - HOH 9 MARCH 2017

señalamentu tempran di e riesgonan pa haña un malesa di nir króniko òf e presensia di esaki i e
posibilidat di un transplante di nir i donashon di órgano. Pa pidi atenshon riba esaki
mundialmente ta duna informashon i edukashon ku komo meta prevenshon, señalamentu
tempran i tratamentu efektivo di malesanan di nir.

E tema di e aña aki ta: ‘Malesa di nir i obesidat, un estilo di bida salú pa nirnan salú’. Nos
nirnan ta órganonan importante den nos kurpa ku entre otro ta yuda deshasí di sushi, tene e
kantidat di salu i líkido den nos kurpa na nivel i produsí hormona. Obesidat ta un faktor di riesgo
grandi pa e desaroyo di un malesa di nir. E tin un influensia direkto riba e desaroyo di malesa di
nir króniko i terminal. Tambe e ta oumentá e riesgo di desaroyo di e faktornan di riesgo mas
importante pa malesanan di nir króniko manera diabétis i preshon di sanger haltu. Pa un gran
parti por prevení obesidat i malesa króniko di nir. Por logra esaki ku un estilo di bida salú ku
énfasis riba nutrishon salú i moveshon.For di e investigashon ‘Kon salú Boneiru ta’ di aña 2000
ta resultá ku 50% di adultonan na Boneiru tin sobrepeso, mientras ku investigashon bou di
muchanan di 4 pa 14 aña na Boneiru na aña 2015 ta mustra ku 1 di kada 4 mucha tin sobrepeso.
Den e kuadro di promoshon di salú e departamentu di Salubridat Públiko ta traha ku diferente
programa pa stimulá un estilo di bida salú serka henter e poblashon di Boneiru i mas spesífiko
serka hobennan, manera entre otro ‘Gezonde School/JOGG (Jongeren Op Gezond Gewicht)’ –
Skol Salú/Hoben Sa Bo Peso Adekuá. E departamentu ta implementá e programanan aki den
koperashon ku diferente instansia den komunidat boneriano. Un estilo di bida salú kombiná ku
un nutrishon salú i sufisiente moveshon ta yuda prevení malesanan di nir i tambe otro malesanan
króniko.Durante e periodo di 9 di mart te ku 12 di mart e Departamentu di Dialisá Nir di
Fundashon Mariadal huntu ku Fundashon di Nir Boneiru ta organisá diferente aktividat ku
informashon den medionan di komunikashon.

E diputado enkargá ku Salubridat Públiko na Boneiru, sra N. den Heyer, ke stimulá henter
poblashon pa yega na un estilo di bida salú pa prevení no solamente malesanan di nir, pero tambe
sobrepeso i otro malesanan króniko. Tambe e diputado ke deseá tur hende ku ta sufri di
malesanan di nir den nos komunidat tur kos bon i ta apoyá nan pa sigui un patronchi di kome
salú i un estilo di bida salú. Ku esaki por prevení komplikashon. Sigui e konseho i
instrukshonnan di bo internista, spesialista, dòkter di kas i dietista, enfermera i otro
profeshonalnan.E konseho pa tur hende ta: ‘drenta den moveshon!’ den kuadro di un estilo di
bida salú i nirnan salú.