Page 77 - MIN VOS

Partida interesante den nos torneo di diahuebs anochi

Friday, 02 June 2017 10:23
Comparti

Ayera nochi, a tuma lugar e di 4 rond den torneo di verano. Brian Diaz a perde di Jose Pesqueria. Angelo
Franken a gana di Enrique Jacopucci Randy Tromp a gana den un bunita ataque di Hernan Viafara
(check attachment).

Alvin Howell a gana di Orlando Mora y Leslie Cielo a perde di Ilya Stetsenko. E encuentro entre Daniel
Diaz y Dayger Cruz no por wordo hunga, door cu Daniel ta den exterior. Despues di 4 rond, nos tin na
cabez Jose Pesqueira y Angelo Franken cu 3 ½ punto for di 4 partido. Randy ta empata cu Alvin Howell
na tercer/cuarto lugar cu 2 ½ punto. Actualmente nos tin un entrenador profesional di Venezuela (Jose
Sequera) na Aruba pa juda subi e nivel di ahedres aki nan. E partido entre Randy Tromp y Hernan
Viafara a wordo analysa door di Sr. Sequera y el a duna comentario valioso di e partido. Kiko ta e
pensamento di Randy y su propio comentario profesional di e wega. Jose Sequera ta dunando les na nos
hobennan riba e dianan dialuna, diaranson y diabierne entre 4:00 y 6:00 pm y riba diasabra desde 10:00
di mainta. Diasabra awor (4 di Juni), Jose Sequera lo organisa un torneo chiquito entre e hungadornan
fuerte di Open/A-groep. Tur hungador cu ta sinti nan hopi fuerte ta bon bini pa participa e torneo aki di
un solo dia. E weganan ta cuminza pa 6:00 di atardi, y por kaba te rond di 10:00 di anochi.