Page 32 - KPA

Aruba a indica cu DOW tin un capacidad total di 350 trahado disponibel pa yuda cu e
trabao aki, pero ta bay yama solamente si e situacion ta haci esey necesario.

Prome Minister Mike Eman: Mirando cu situacion ainda por

cambia y kier ta bon prepara, boluntarionan ta bon bini

Tuesday, 30 May 2017 11:18
Comparti

Un di e puntonan cu Prome Minister Mike Eman a trece dilanti durante e conferencia di prensa
extraordinario ofrece dialuna atardi, ta e hecho cu ta gradici tur esnan trahando, pero e trabou ta uno cu
lo tuma dia y por tuma un buelta inespera. Pa tal motibo ta habri canalnan pa asina tur esnan di ofrece
nan mes como boluntario, por registra y coordina e esfuerso aki.

Premier Eman a splica cu tin diferente parti di e trabou caminda boluntarionan por yuda. Un di nan ta pa
monitoria, esta mira unda den e 30 kilometer di costa noord di nos isla, por tin patches. Actualmente ta
concentrando riba e beach di bocanan, pero tambe ta evaluando e daño riba barancanan. Limpiesa di
beach ta bay mas facil y lihe y, segun experiencia di Boneiro, e barancanan por representa un
‘onbegonnen werk.’ Otro trabou caminda boluntarionan por ta hopi util ta e propio trabou di limpiesa,
esta di trece e patches riba beach hunto y despachanan pa e sitio cu finalmente DOW lo usa pa pone nan.
‘Nos a mira awe cu e cantidad ta manehabel pa e ploegnan cu tin, pero no sa kico ta lanta mañan mainta.
Tur dia por tin un sorpresa, coriente di lama por cambia. Por ta loke nos a wak awe ta un volumen chikito
di loke tin; no por pronostica, p’esey ta prepara completo pa e trabou cu por tin,’ asina Minister President
Eman a señala. Ademas, segun Greg Peterson di Parke Nacional Arikok (PNA) kende tambe tabata na e
conferencia di prensa, e trabounan di limpiesa ta bay tuma, por lo menos, un siman.

Lo ta bon pa tin boluntarionan cu por tuma e trabou over for di e profesional, vooral den fin di siman, pa
asina nan por tin un sosiego. Prome Minister a pone enfasis cu hunto cu Departamento di Salud Publico,
ta bay percura pa tur trahado y boluntario ta conta cu e ekipo di proteccion necesario pa asina proteha di
e posibel efectonan toxico di e oil spill. Peterson a splica cu PNA ta pone su telefon disponibel pa tur
esnan interesa por yama, esaki ta 585-1234. Aki lo colecta e informacion y delega e tareanan den
cooperacion cu Oficina di Calamidad. E ultimo aki tin mester di boluntario pa notifica unda cu tin mester
di asistencia yamando na 588-0100. Tur informacion aki y nobo cu ta bin den proximo dianan lo ta
obtenibel riba website di Parke Nacional Arikok, como tambe riba nan pagina di Facebook.

Gobierno di Aruba ta coordinando esfuerzonan nacional pa
contraresta efectonan di ‘oil spill’

Tuesday, 30 May 2017 11:18