Page 35 - KPA

ORANJESTAD (AAN): E persona cu ta wordo busca door di Polis, y door di TOG Team, esta Minguel Schneiders
di 22 aña, a entrega su mes Dialuna anochi na Warda di Polis na Santa Cruz. Esey vocero suplente di Cuerpo
Policial, Liliana Rasmijn a confirma na DIARIO.

— Close-up di Dialuna anochi di Minguel.
Siman pasa tabata tin un caso di tiramento pafo di Olde Molen unda a mata un hoben De Palm naci na Haiti.

Despues cu e departamento di Noord ta haciendo investigacion, na comienzo no a logra pone man riba e
sospechoso.

E sospechoso Minguel Schneiders ta conoci pa husticia. A base di tur informacion acumula y declaracionnan

haya for di prome instante a logra haya sa kende ta e autor di e asesinato. Pesey mes mirando cu ainda no
por topa cune, Ministerio Publico den nomber di Fiscal mr. C.D. Kardol a pidi detencion di e sospechoso Erick
Arturo Minguel Junior Schneiders, conoci of yama “Minguel”.

Dialuna atardi mes autoridad a core buske den area di Meiveld y Rooi Afo, como cu nan a mire eynan riba
brommer. Tin indicacion cu el bay e Apartamentonan di Placer di 2 ora, “Nos Luga”, y net prome cu polis a
yega, el a core desaparece.

Minguel ta naci na Aruba 29 december 1994, y ta ruman di persona envolvi den pasado den e tiramento
fatal net panort di Indian Rock Garden na Hooiberg.