Page 56 - KPA

18 AWEMainta Diamars, 30 Mei 2017

Cuerpo Policial a duna

presentacion di Traficacion

Humano na Amsterdam

Manor Beach Resort

DIANAN 23 y 24 di mei 2017, sr. Max Wernet, Coordinador
di Ontwikkeling en Beleid, Divisie Politie Opleiding en Ontwik-
keling, Korps Politie Aruba, Coördinatiecentrum Mensenhandel
en Mensensmokkel Aruba a duna tur empleado di Amsterdam
Manor un presentacion ariba Traficacion di Hende.
Esaki ta parti di un iniciativa di gerencia di e hotel pa consci-
entiza e empleadonan riba Traficacion di Hende.

Tin varios aspecto cu tin di haber cu e tópico aki, pero dor cu
nos no sa con pa reconoce nan, e por pasa nos dilanti sin cu
nos sa cu ta pasando.
Den e diferente tipo di delito cu ta cay bou di Traficacion di
Hende ta haya e.o.: Explotacion laboral; explotacion di mucha;
explotacion sexual; explotacion di organo.
Indicacionan di explotacion ta ensera e.o.: Kita papelnan di
identidad; crea debenan; forsa di haci otro trabao cu a wordo
palabra; forsa di traha mas ora cu a wordo palabra; nenga di
paga salario cu a wordo palabra; kita suma di e salario pa paga
gastonan adicional; limita of controla e libertad di movecion;
controla dor di usa forsa fisico of mental; controla dor di menasa
of maltrato; isolacion social of dependencia multiple.

Cu e presentacion aki Amsterdam Manor kier contribui n’e es-
fuerzo internacional di crea consenshi riba e industria ilícito aki
y pa nan e empleadonan a haya e oportunidad di siña detecta
y raporta casonan di traficacion di hende.