Page 22 - KPA
P. 22
Dos homber arma a purba atraca
pareha na Yuwana morto
Posted on 01/19/2017 12:50 pm AST | Updated on 01/19/2017 12:50 pm AST
ORANJESTAD - Dos homber den oranan di marduga a
tira un atraco riba un pareha na Yuwana morto, pero no a
logra bay cu nada. E melding mes segun vocero policial
Liliana Rasmijn, a drenta 20 pasa di 12 meianochi. Na
yegada di e patruya, nan a topa e homber victima y su
señora taxista banda di dje. Segun informacion acumula,
ora cu e señora a yega cas, dos homber full na preto bisti
y cara tapa y cu arma a sali riba e señora y pidi'e pa
placa. E señora a cuminsa grita y bisa e hombernan cu e
no tabatin placa. Aki su casa a sali bin y un di e
atracadornan a dal e cabo di e arma riba su cabes y a sali
na careda. E homber herida a wordo hiba hospital pa
tratamento medico. E bon ta cu e atracadonan no a logra
bay cu nada. Atraco team y slachtoffer hulp a yega na e
sitio y autoridadnan ta investigando e caso aki. Ken cu por
a wak algo por yama tiplijn 11141.
