Page 24 - KPA


Home
 About
 Advertise
 Agenda
 Contact
RSS
search

Ainda no a logra pone man ariba e atracadornan di La Estrella

Publication: Wednesday, 18 January 2017. Categoria: Policial

ORANJESTAD (AAN)- Por a compronde cu ainda no tin ningun pista di e atracadornan di La Estrella, pero
recherchenan ta trahando duro ariba e caso aki.
Manera ta conoci Diasabra pasa pa mas o menos 6.45 net ora cu e lugar ta bay cera su portanan a drenta dos
homber sin cara tapa y a menaza e dos trahadornan muher cu tabata eyden cu arma.
Riba e video cu a pone despues riba social media por a mira cu un di e hombernan ta di estatura halto y un cortico y
tabata como sifuera nan tabata ariba un tranquilidad ta saca e joyasnan for di e showcasenan. Por a compronde cu
un di e trahadornan a wordo poni contra muraya mientras e otro mester a yuda un di e atracadornan piki loke e kier
den e showcasenan y hinca nan den e saco.
Despues di un paar minuut cu ariba un tranquilidad y cu nan a logra coy bastante joyas, nan a dicidi di bandona e
lugar sin ningun hende por a wak ningun movecion. No ta conoci kende a bati alarma di e sucedido, caminda
polisnan a yega mesora y a cuminza busca mesora den vecindario pa e sospechosonan.
Hopi ta e preguntanan cu a bin dilanti ta cu entre otro si no tin un alarm button, di con un lugar cu asina tanto joyas
y cu ta maneha cu hopi placa, no tin un security guard, si Certified no por tin un mihor calidad di camera den e mall
cu por reconoce e caranan.
Adhunto DIARIO ta pone un foto di un di e atracadornan cu ta circula riba social media pero e cara no ta hopi visibel
door di mal calidad di e camera. Ta di spera cu DIARIO por haya mas fotonan y informacion di e sucedido aki pa
asina hunto cu pueblo por yuda resolve e caso di atraco aki.