Page 31 - HOH

Pashent cu tin keho di dokter di cas

awor por acudi na comision special

Posted on 12/11/2018 11:25 am AST | Updated on 12/11/2018 11:37 am AST

ORANJESTAD – Cu sosten di UO AZV, un comision di keho a lanta pa asina atende e
problema di kehonan cu por tin pa cu e practica di dokternan di cas. Durante un
conferencia di prensa, sostene pa e asosacion di dokternan di cas HAVA, specialista
Randy Brown a splica cu un grupo di 5 persona awor ta encarga cu keho cu pashentnan lo
por tin. Actualmente tin un grupo di 24 dokter di cas (di total di 42) cu ta registra cu e
grupo aki. E grupo ta spera cu e otro dokternan di cas por registra tambe y si no, esaki lo
tin cu sosode di otro forma. E keho por wordo entrega na e practica mes unda cu tin un
persona special pa atende cu esaki. Si kier hacie cu e comision di keho, por yena un
formulario na AZV na e area di servicio di cliente. Mirando cu awor AZV su oficina
principal ta cera, por haci esaki riba nan website tambe. E hecho cu tin un comision di
keho, no kier men cu e pashent mes por cana su caminda si e ta desea di haci esey.
Kehonan por ta for di un keho administrativo, te na e trato cu e pashent ta haya di e
medico, of e practica medico mes. E comision na su turno lo determina e urgencia y con
tin cu atende cu e keho aki.