Page 34 - HOH

ORANJESTAD (AAN) – Docter Joaquin van

Trigt Presidente di Asociacion di Docternan di Cas Aruba (HAVA) a hiba palabra den
conferencia di prensa, yama pa AZV, tocante e tema di Comision di Keho.

El a cuminza pa gradici AZV y tambe dr. Randy Brown cu a haci un trabao na beneficio

di HAVA. E proyecto pa lanta un comision di keho tabata den plan pa hopi tempo caba y
ta algo cu a wordo discuti, dr. Van Trigt a señala.

El a subraya cu esaki tabata un necesidad di parti di e pacientnan pero tambe di e

docternan di cas mes.

Van Trigt a bisa cu HAVA ta contento cu por fin esaki a bira un realidad y cu awor e
pacientnan por haci uso di un procedure oficial unda nan por pone nan keho riba e

practica di nan docter di cas cerca un funcionario na AZV, y lo cuminza un proceso for
di cual e pacient ta haya un contesta oficial.

Dr. Van Trigt a expresa cu esaki ta hopi importante ya cu ultimo temponan tabata tin

discusion ya cu e pacientnan no tabata tin un instancia pa duna keho, anto nan tabata
acudi na otro medionan no oficial, manera prensa, pa ventila nan frustracion.

E docter a subraya cu esaki ta comprendible y cu tur hende tin derecho di ventila ora

tin un disgusto, y nan por hacie manera cu nan kier, pero e ta haya cu esey tambe ta
pasobra tabata tin falta di un proceso oficial.

Aworaki esaki ta wordo presenta pa e pacient haci su keho na un manera oficial y e

comision por hiba un maneho y haci cambio, podise den e manera di servicio di e
docter y mustra nan cu por tin keho cu nan mes no sa di nan, posiblemente pasobra no