Page 14 - AWEMAINTA

14 AWEMainta Dialuna, 8 Mei 2017

Regie Nicolas di Brouwerij Nacional Balashi

Hopi Stout y Hopi Bon ta dos cerbes nobo cu sabor unico

A presenta e cerbesnan na empleadonan di Marriott y Ritz Carlton

NA Marriott Champions Sport Bar a tuma
lugar e lansamento di e dos cerbesnan “Hopi
Stout” y “Hopi Bon” di Brouwerij Nacional
Balashi.
A invita henter e personal di Ritz Carlton y
Marriott Resort pa un “internal launch” pa
presenta e dos cerbes nobo na nan, special-
mente con ta prepara nan, con e ta smaak y
introduci nan n’e edicion nobo di e aña aki,
asina Regie Nicolas di Brouwerij Nacional
Balashi a remarca.

Aworaki riba caya e ta moviendo hopi bon
unda cu Hopi Stout tin bon acogida pariba.
Hopi Bon mas tanto den area di hotel, algun
area di Noord y Brouwerij Balashi ta mira
durante Pasco Grandi unda cu tabatin super
special y hopi hende a bay pe.

“E mercado ta custumbrando cu e cerbesnan
nobo. Nos ta mira cu e ta bayendo bon”, asina
Regie Nicolas a remarca.
Tin diferencia den e cerbesnan aki. Hopi Bon
ta un ‘Lager beer’, anto e Hopi Stout ta un
‘stout’ beer y tin un diferencia den contenido
di alcohol.
E cerbes Hopi Stout ta contene 7.4% di al-
cohol, mientras cu Hopi Bon ta 5%, tambe e
diferencia ta cu 1 ta traha cu ‘roasted barely’
y cu sucu cual t’e Stout.
Hopi Bon ta traha cu dos diferente ‘hops’,
pero e no tin e ‘roasted barely’ den dje sino
e regular, e ‘yeast’ y e ‘hopnan’ cu ta haci e
smaak un happy beer.
“Kiermen bo ta sinti e marca di e cerbes ora
cu e smaak e hopi bon.”

Ta invita tur hende amante di sports bar y
amante di bon cuminda por bishita Marriott
Champions unda cu nan por sigui tur wega di
deporte, dushi ambiente, por sinta come ham-
burger y combin’e cu Hopi Bon of Hopi Stout.
Tambe tin na Ritz Carlton Lobby Bar, unda
cu esun cu kier come sushi of kier dal un drink
na bar por haya e cerbesnan Hopi Stout y
Hopi Bon.

E di 15 Exposicion y Competencia di Obra di Arte Recicla

Bishita nos EXPO LUGA: UNOCA
Dia 8 di mei: 2:30pm - 5:00pm STADIONWEG #21
Dianan 9, 10 & 11 di mei: 8:30am - 5:00pm
Dia 12 di mei: 8:30pm - 1:30pm

ENTRADA TA GRATIS