Page 9 - AWEMAINTA

AWEMainta Dialuna, 8 Mei 2017 9

Dr. Nuris Lampe (MAS)
Structura di cuido medico ta bon,

pero tin demasiado keho

Esey a pone drenta arena politico

MANERA ta conoci, dr. Nuris Lampe a subi lista di
partido MAS pa yuda pueblo di Aruba pa haya un
mihor cuido medico.
Aruba tin structuranan optimal pa traha, pero ainda
nos hendenan no por logra yega n’e sistema aki.
Siendo cu Aruba tin hopi dokter bon prepara y asina
mes tin hopi keho, segun dr. Nuris Lampe.
Pesey e ta kere cu mester bin un restructuracion
completo di nos sistema di cuido medico, cu ta un di
motibonan pakico el a dicidi di drenta arena politico.

Tin mas tereno cu mester di atencion p.e. educacion,
traha mas cu nos muchanan, den cual dr. Lampe
tambe ta envolvi na Atelier.
Prome di a specialisa, dr. Nuris Lampe a traha na
Salubridad Publico, cu Wit Gele Kruis y tambe na
Hospital, pues e sa di loke ta tuma lugar y na varios
pais Latino Americano.
E structura ta bon, pero tin demasiado keho, loke ta
indica cu algo ta robez. Y esey dr. Lampe ta bay pe.

Loke tambe a hala atencion cu te awe ningun partido
politico no a mishi cu e problema di AZV, Pakico?
Banda di AZV, tin BAZV, cu no ta cumpli cu su
obligacionnan financiero pa cu Gobierno, segun dr.
Lampe. Algo ta bayendo fout.
Otro problema, pacientenan tin cu warda hopi tempo
pa haya un dokter specialista pa mira. Maske cu na
tur parti di mundo esaki ta un problema, pero mester
por traha pa tur specialista yega na otro, unda tur
por papia cu otro.

Dicon e paciente no ta yega na dje, ey mester busca
e solucion, segun dr. Nuris Lampe, kende un tempo
tabata Presidente di Asociacion di Dokternan Spe-
cialista.