Page 22 - AWEMAINTA

22 AWEMainta Diahuebs, 1 November 2018

Stichting Sportsubsidie Aruba a tene reunion informativo

Pa Federacionnan Deportivo relaciona cu

Reglamento di Subsidio 2019

RECIENTEMENTE Stichting Sportsubsi-
die Aruba tene un reunion informativo pa tur
Federacion Deportivo na Aruba. Topico prin-
cipal tabata e Reglamento di Subsidio pa aña
2019. Mester bisa den un sala completamente
yen, e diferente representantenan principal di e
40 federacionnan presente a dialoga hunto cu e
bestuur di SSA y e comision tecnico riba e topi-
co menciona.

Director di Stichting Sportsubsidie Aruba, sr.
Tito de Cuba a splica ampliamente riba e pun-
tonan importante cu mester a wordo atendi cu
Federacionnan Deportivo pa loke t’e reglamento
di subsidio p’e proximo aña.
A elabora riba temanan manera finanza, condi-
cionnan general pa pidi subsidio y tratamento
di e diferente peticionnan, gastonan subsidiabel,
entrenador di seleccion y por ultimo e galardon
Premio Excelencia den Deporte cu tabata bou
encargo di Presidente sr. Gerald Franca.

E reunion a bay den bon ambiente unda di parti
Federacionnan Deportivo hopi pregunta a ser
haci n’e bestuur di SSA como tambe na repre-
sentantenan di e Comision Tecnico.
Riba varios di e articulonan cu a ser treci pa-
dilanti a dialoga pa yega na un mihor enten-
dimiento den un proximo ocasion.
Awor e Federacionan Deportivo lo mester bay
bek den nan seno y traha riba e punto y articu-
lonan menciona.
Stichting Sportsubsidie Aruba ta spera cu awor
tin un claridad pa loke t’e Reglamento p’e Sub-
sidio 2019.