Page 27 - DVG

Cansancio cronico, curpa ta grawata, wowo y cuero color geel of barica hincha y dolor, ta algun di e
sintomanan cu por indica malesa di higra. Hopi biaha esakinan ta parse sintomanan inocente y nos no ta realisa
ni busca pa sa mas.

Lever Stichting Aruba siguientemente lo tin anochinan di informacion den barionan di Aruba den luna di
Augustus y September, “Stima bo mes te den bo higra”. Cu e anochinan aki Lever Stichting Aruba ta realisa e
meta principal di e fundacion cu ta pa duna informacion na pueblo di Aruba pa asina hisa e conocimento di e

funcion di un higra y concientisa con pa biba mas saludabel y preveni malesanan di higra.
Durante e anochinan di informacion venidero lo tin presentacion di Dokter specialista di higra y tambe
pacientnan cu lo duna nan testimonio. Esaki ta e oportunidad pa pueblo di Aruba amplia nan conocemento riba
e salud di e higra, ricibi tipsnan valioso y tambe scucha storianan di bida real.

Lever Stichting Aruba lo tey pa 4 siman largo na un MFA den bario. E anochi di informacion “Stima bo mes te
den bo higra”, lo ta di 7-9 pm.
Skema:

Augustus 29 -MFA Santa Cruz
September 5 -MFA Savaneta
September 12 -MFA Noord
September 19 -MFA Paradera

Lever Stichting Aruba ta invita e pueblo di Aruba pa atende e anochi di informacion y asina tin e oportunidad
di ricibi mas informacion encuanto e salud di higra y tambe haci uso di e oportunidad pa haci cualkier pregunta
riba esaki.

Pa mas informacion por bishita nos website www.mihigra.com of nos facebook page @mihigra. Pa tuma
contacto cu Lever Stichting Aruba por manda un email pa info@mihigra.com.

https://arubanative.com/2019/08/19/stima-bo-mes-te-den-bo-higra/