Page 22 - AWEMAINTA
P. 22
22 AWEMainta Diahuebs, 14 Maart 2019
Demo supla glas y tayer ceramica y glas
Open House Terrafuse riba Dia di Himno y Bandera
DIALUNA awor, 18 di Maart, Terrafuse ta habri
su portanan pa pueblo di Aruba 10am-5pm. N’e
manera aki Terrafuse ta celebra su 10 aña di exis-
tencia como fundacion. Fundacion Terrafuse Arub-
aglassceramics ta stimula e arte di glas y ceramica
riba nos isla.
Demostracion Suplamento di glas y Ceramica. E
aña aki e Open House tin demostracion spectacu-
lar den suplamento di glas dor di artistanan Ciro
Abath y JanHein van Stiphout. Tambe tin demo di
ceramica dor di Effi Abath y Trudy Lampe.
Marian Abath, Abigail Peterson y Marcha Hoost
ta duna un demo flameworking y glass bead mak-
ing. Dick Melchers ta bay ta presente pa splica con
pa traha un molde pa glas (kilncasting).
MINI-TAYER CERAMICA Y GLASS BEAD
MAKING
E tayernan pa hobennan ta tuma 20 pa 30 minuut.
E workshop Ceramica ta bou di guia di Rosanna
Tromp y Hannah Lee. Muchanan di 8 ana y ariba
ta haya chens pa experencia traha cu klei. Locual
nan ta traha, ta bay den forna na Terrafuse y un
par di dia despues por bin busca e obra.
E tayer di trahamento di kraalchi ta pa hoben 10
ana y ariba. Nan ta traha un glass bead di glas di
Murano – Italia. Cu un torch nan te keinta e glass
riba un temperatura di 700 grado Celsius. E tayer
aki ta 1:1, locual kier men cada hoben ta worda
guia dor di un experto, e workshop ta individual.
Esey ta necesario ora bo ta traha cu un torch.
E kraalchi tin cu fria poco-poco, pero den menos
di un ora nan por haya e kraalchi y traha un brace-
let of gardena di dje. Muchanan te cu 10 ana por
scoge 3 color di glas y e kraalchi ta wordo traha pa
nan.
E tayer y demostracionnan ta completemente gra-
tis riba e dia special aki. Terrafuse kier celebra su
10 aña di existencia hunto cu pueblo di Aruba.
Terrafuse ta habri Dia di Himno y Bandera 10am-
5pm y ta situa na Turibana 14, Noord (caminda di
Cafe080/Willy’s Pools, bay ariba den direcion di
Alto Vista). www.arubaglassceramics.com
