Page 17 - AHATA
P. 17
10 AWEMainta Diabierna, 6 September 2019
Segun Minister Xiomara Ruiz-Maduro:
CAFT ta positivo riba e cifranan di
e di dos kwartaal di 2019
DEN e conferencia di prensa di Gobierno,
Minister di Finansa, Xiomara Ruiz Maduro a
brinda informacion y splicacion riba e reaccion
di e organo di supervision CAFT riba e cifranan
di e di dos kwartaal di ehecucion di Presupuesto
2019.
EVALUACION POSITIVO DI CAFT
CAFT su evaluacion ta positivo, Gobierno ta
realisando e entradanan premira y ta conteniendo
su gastonan kedando den e cuadro financiero.
CAFT den su reaccion ta pidi Gobierno atencion
pa algun asunto cu ta forma un risico.
GASTONAN DI AZV
CAFT ta conseha Gobierno pa vigila e gastonan
di AZV ya cu esakinan ta subiendo den e ultimo
añanan. E mandatario a informa cu Gobierno tin
atencion p’esaki y ta bay haci un investigacion
riba e gastonan di AZV.
REFORMA FISCAL
Riba e entradanan di Reforma Fiscal, CAFT ta
remarca cu Gobierno mester compensa e entrada
di ‘sugartax’ ya cu esaki no a wordo introduci den
e dos mitar di aña manera planea.
Minister di Finansa,Xiomara Ruiz Maduro a
splica cu Gobierno ta trahando duro pa bin un
solucion pa cu esaki.
GASTONAN DI PERSONAL
CAFT ta di opinion cu Aruba no ta cumpli cu e
norma di gastonan di personal dor cu no a inclui e
gastonan di personal di Social Crisis Plan (SCP)
den e gastonan y personal di 479 miyon riba e
presupuesto.
E mandatario a splica cu Gobierno di Aruba tin
un diferencia di opinion cu CAFT tocante di
esaki y actualmente Pais Aruba y Hulanda ta den
deliberacion con pa soluciona esaki.
Minister Xiomara Ruiz-Maduro ta di opinion cu
Pais Aruba a ricibi un bon evaluacion di CAFT
riba e cifranan di e prome mitar di aña 2019.
E ta un bon raport den cual ta refleha locual e
mandatario a splica den e Reunion Publico den
Parlamento algun siman pasa. E documento di
CAFT ta uno positivo y ta disponibel riba http://
www.cft.cw/jdownloads/All%20downloads/
Adviezen/Aruba/cft_201900115_reactie_op_de_
tweede_uitvoeringsrapportage_2019_aruba.pdf
