Page 53 - ATA

Hilton Ta Apunta Vasco Baselli Como General

Manager Di Hilton Aruba Caribbean Resort & Casino

 Local
- 18/07/2019

Hilton (NYSE: HLT) a anuncia nombramento di Vasco Baselli como General Manager di
Hilton Aruba Caribbean Resort & Casino, e hotel di 357 kamber. Mas recientemente
Baselli a sirbi como General Manager di Hilton Lima Miraflores na Peru, caminda el a
supervisa operacion di e hotel di mas di 200 kamber, casi 4,000 m di espacio pa
2
conferencia y mas di 200 trahador.

Di origen Aleman, Vasco Baselli ta un veterano cu mas di 30 aña den industria di
hospitalidad, kende a cuminsa su carera como Line Cook Apprentice na Inter-Continental
Hotel Düsseldorf na Alemania.

Den transcurso di mas di tres decada, Vasco Baselli a desaroya su habilidad dentro di e
industria turistico. Su prome 17 aña a enfoca riba operacion di food & beverage na
hotelnan na Alemania, Venezuela, Malaysia, mientras e ultimo 10+ aña Baselli a fungi
como General Manager y Area Manager na Ecuador y Peru.

Na Hilton Lima Miraflores, Baselli a guia e team na logra diferente premio dentro di
Hilton n’e Americanan incluyendo Hotel of the Year (under 349 rooms), 2018 Award of
Excellence y mas. Como individuo, Baselli a ricibi Hilton su honor maximo como 2018
Leader of the Year (under 349 rooms) den region di America y Caribe.