Page 56 - ATA

Lider Di Fraccion Di AVP, Marlon Sneek: Gobierno

Mester Duna Claridad Riba Cosnan Straño Den

Aviacion Berdad Cu Aruba Airlines Tin Un Debe

Grandi Na AAA N.V.?

 Politica
- 18/07/2019

Tin cosnan ta pasando cu simplemente no por y fraccion di AVP ta keda atento pa
maniobranan cu a bin ta tumando lugar y lider di fraccion di AVP, Marlon Sneek a
mustra cu apesar di no ta hayando reaccion ni di Presidente di Parlamento y tampoco di
Gobierno, lo sigui insisti pa pueblo haya claridad riba tur cos straño cu a bin ta tumando
lugar.

Marlon Sneek a mustra cu e cosnan straño aki ta inaceptabel caminda ya fraccion di AVP
a manda un serie di pregunta, pero lo bolbe manda un serie di pregunta te ora cu pueblo
wordo informa kico Gobierno y su Ministernan ta haciendo.

“Un caso specifico ta relaciona cu Aruba Airlines caminda trahadornan a cuminsa acerca
miembronan di nos fraccion cu hopi preocupacion, ya cu ta parce cu Aruba Airlines tin
un cuenta basta grandi habri na AAA NV y aki ta trata di un suma di nada menos cu 22
miyon florin.

Relaciona cu esaki nos ta bay manda un serie di pregunta p’e Minister responsabel pa
confirma si esaki ta berdad y banda di esaki nos por a tende cu Departamento di Aviacion
Civil a cuminsa c’un investigacion, pero Minister Chris Romero lo a para e investigacion
aki.