Page 12 - CMB

ORANJESTAD (AAN): Durante ultimo lunanan e muchanan na Aruba a cuminza bira
ancioso pa yegada di Sinterklaas y su Pietnan. Sinterklaas hunto cu su grupo di Zwarte

Piet-nan ta bay yega APA den nan barco dia 18 di November proximo.

Esaki a wordo anuncia durante un conferencia di prensa Diamars na Aruba Bank.

Durante e conferencia di prensa, Tamara Waldron, Marketing & PR Manager di Aruba

Bank a bisa cu manera ta custumber, Aruba Bank ta hopi activo den comunidad y
durante henter aña ta sostene actividadnan cultural, incluyendo e yegada di
Sinterklaas.

“Nos ta hopi contento di por contribui na trece alegria pa e muchanan di Aruba”, segun
Waldron.

Presidente di Fundacion Sinterklaas, Karin Drost- Hijmering Diamars a duna mas

informacion riba yegada di Sinterklaas.

E barco di Sinterklaas lo yega riba 18 di November pa 10:00am na e entrada

tradicional di APA.

For di 9:00am e porta di APA lo ta habri pa muchanan, mayornan, welo y welanan,
turistanan y henter comunidad di Aruba.