Page 68 - MIN JUS 23 FEB, 2017

Minister Dowers a firma varios decreto gubernamental pa
empleado di varios departamento di husticial

Thursday, 23 February 2017 01:02
Comparti

Un dia normal di trabou di minister ta yena cu varios actividad. Mayoria di biaha esaki nan ta reunionan
ehecutivo tanto den bestuurskantoor mes como tambe pafor di bestuurskantoor.

Un di e costumbernan cu minister mr. Drs. Arthur Dowers tin, ta di entre otro interactua cu personal di
diferente departamentonan cu ta resorta bou di su cartera, pa di e forma e mes pone su mes debidamente
na altura di loke ta biba meimei di cada empleado. Pesey ora cu yega e momento importante pa cada
empleado cu ta resorta bou di su cartera, esta pa nan recibi nan Landsbesluit di promocion, e titular
encarga cu husticia, ta haci esaki cu un smile grandi riba su cara. Normalmente nunca mr. Drs. Dowers ta
publica esaki. Motibo di esaki ta, pasobra e titular di husticia ta di opinion cu e ta un derecho cu cada
empleado publico ta adkeri na momento cu nan ta cumpli cu tur e rekisitonan pa cu esaki. Pero, nos cu ta
presencia e alegria cu su persona tin, na momento cu e ta firma esaki pa e empleadonan, ta tuma e
atrevimiento pa haci esaki publico. E Landsbesluiten cu Minister Dowers a firma y otorga, tawata pa
entre otro e personal di Cuerpo Policial, Ministerio Publico, B.O.V. y tambe K.I.A., pa menciona algun.
Por ultimo cu e mesun atrevimiento y den nomber di Minister Dowers, nos kier a yama e mas di, cien-i-
cuarenta (140) promocionadonan, pabien!