Page 42 - ARUBA BANK

E mandatario a señala cu basta discusion y deliberacion largo a tuma lugar pa asina
yega na e protocol aki.

Trabaonan a wordo haci riba e plano gubernamental na nivel di ambtenaar y tambe

politico. E ultimo dianan e discusion riba e parti politico a sigui pa asina por a trece e
protocol na un culminacion, cual ta e firma di esaki entre e paisnan.

E mandatario a subraya cu, manera ta conoci, Aruba ta bao supervision financiero for di

aña 2015 debi cu e finanzanan publico di nos pais a bay den un direccion no sostenible
mas. “Esaki ta hiba nos bek, sigur na momento cu a bin cambio di gobernacion di
Gabinete Oduber pa Gabinete Mike Eman y durante e gabinete aki a bin e parti excesivo
di debe y deficit”, Minister Ruiz-Maduro a indica.

E mandatario a bisa cu for di e momento ey por a mira cu gobierno Hulandes a cuminza
preocupa.

Pa pone esaki den su contexto corecto, e dignatario a subraya, el a splica cu e tin un
carta fecha dia 14 di Mei 2009, den cual e Secretario di Estado e tempo ey a indica cu
el a constata cu Aruba su Finanzanan Publico tabata relativamente sano, cu un quote di
debe manehable, como tambe un deficit abao.

“Mi ta trece esaki den un contexto corecto pa pueblo di Aruba por tin e informacion
manera cu e ta. Na 2009 nos finanzanan publico tabata manehable y confirma pa e
Secretario di Estado di e tempo ey tambe”, e dignatario a señala.

El a agrega cu despues a surgi un momento cu a bin excesonan y e situacion a bay for
di man, y for di oposicion caba fraccion di MEP a skirbi un nota den cual nan a splica cu
e situacion cu ta wordo mira na Aruba, riba finanzanan publico, no ta uno cu por keda

fiesta bay riba dje, pasobra e fiesta aki lo hiba nos pais den problema.

Dia cu e nota aki a wordo skirbi na 2012, e debe di Pais Aruba tabata core den 67.2%.
Pero por mira cu aworaki, despues cu ehercicionan a wordo haci, por mira cu e debe ta

na 88%. Y prome cu Gabinete Wever-Croes a yega, e debe tabata na 90%.

“Pakico mi ta trece tur esaki? Pa motibo cu e dianan aki tabata tin hopi discusion entre
si nos a perde autonomia cu e ultimo protocol aki, ken a pidi supervision, con por ta cu