Page 43 - ARUBA BANK
P. 43
nos tabata contra supervision y awor nos mes a firma?” e dignatario a relata y a reitera
cu e ta trece esaki dilanti pa den e contexto corecto bay sigui e splicacion di e protocol
cu aworaki tin.
E mandatario a subraya cu e carta di MEP di 2012 no tabata un plegaria manera a
wordo treci dilanti, pa busca supervision pa Aruba.
“Ta debi na tanto manipulacion e tabata algo pa habri wowo di mundo na otro banda di
mundo y na Aruba, pa cuminza un discusion riba Finanzanan Publico, na unda esaki ta
bay y kico nos kier pa e pais aki” Minister Ruiz-Maduro ta expresa.
E mandatario a agrega cu na 2013 por a mira cu gobierno anterior a firma un protocol,
di cual prome cu eleccion nan kier a bende Aruba pa locual nan por a bay haya na
fianza reduci for di Hulanda. E Protocol di Diahuebs Santo, prome cu eleccion e tempo
ey. “Pero e gobierno e tempo ey, no kier a splica con esaki lo bini cu un supervision
financiero cune. Nan a tene esaki scondi”, e mandatario a acentua.
Nan a gana eleccion y despues a surgi e problema ora cu nan mester a bin cu e realidad
dilanti, cu enberdad pa un saco di placa nan a bende e autonomia di e pais aki pasobra
e actonan, y con nan a traha cu un mal maneho financiero, a hiba e pais aki bao un
supervision financiero y a bin e ora ey un protocol unda nan ta indica cual ta e reglanan
di e wega di cual ta bira e supervision financiero. Y tur esaki nan a haci sin presenta na
Parlamento.
https://www.diario.aw/2018/11/pa-un-saco-di-placa-gabinete-mike-eman-a-
bende-aruba-su-autonomia-financiero/
