Page 17 - AWEMAINTA

Dialuna, 23 September 2019 AWEMainta 17

BCI a haya cabay

morto den mondi

RECIENTEMENTE funcionarionan di Bureau City
Inspector a sigui traha riba un melding cu nan a ricibi y a

haya un cabay morto den mondi.

E melding, segun BCI, a drenta na nan oficina y ta bisa
cu den e mondinan na Bushiribana lo tin un cabay morto.

Mesora a sali p’e sitio y enberdad a haya un cabay morto. E

cabay tawata tin un cabuya na su garganta. Ta hopi tristo
cu e doño no a sa di trata e bestia aki manera mester ta

of si a caso e bestia a logra di huy e doño lo mester a meld
esaki op pa asina porta por a localisa e pober bestia. Por

fabor pueblo si no tin tempo of no por carga e gastonan cu

ta bin hunto cun’e ora bo tin un bestia no mester busca
bestia. Alabes esaki por bira un delito castigabel pa e doño

tambe. Serlimar hunto cu BCI a logra ruim op e restonan
di e cabay aki.

E hecho cu e cabay tabatin un cabuya rond di su garganta

ta mustra cu sea el a huy of e doño mes a lague atras. Ta
hopi pica pasobra den ultimo dianan tabata haci masha hopi

calor y bestianan mester di awa pa nan bebe. Y e cabay cu

tabata perdi den mondi tambe ta e caso. Y si el a fayece na
cas, e no ta forma pa deshaci di e animal aki tampoco.