Page 39 - ATA
P. 39
Pa loke ta e placa di papel di 25 florin di Aruba cu awor ta nomina pa gana e premio
internacional aki, ta asina cu a dura 7 aña pa por a cuminsa y caba e proyecto aki, cu a
costa mas di 8 miyon florin pa a diseña, imprimi y distribui e placanan di papel nobo riba
mercado. Normalmente esey ta sosode cada 10 aña, pero den e caso aki na 1997 tabata e
ultimo diseño y cu adaptacion na 2003, pues ta despues di 16 aña cu ta presenta e edicion
nobo di placa di papel.
A haci un competencia entre varios artista pa nos placa di papel nobo y e ganado absoluto
a resulta Nigel Matthew. A laga imprimi e biyetenan na Crane Currency di Merca. Prome
cu a scoge e imprenta aki, tur otro biyete di Aruba a wordo imprimi na Haarlem, na
Hulanda dor di e compania Royal Johan Enschedé. Mester menciona cu e compania a
dicidi di sali for di imprenta di placa di papel na december 2016.
https://24ora.com/florin-di-aruba-nomina-como-bank-note-of-the-year-award/
