Page 44 - ATA

E sistema nobo tin tambe un formato nobo p’e extracto, pero awor e ta posibel na tur
momento pidi un extracto via e website di KvK. Bishita www.arubachamber.com y haya
aceso via bo cuenta personal di My Chamber (“Mijn KvK”).
Si bo no tin un account bo por traha esaki den algun minuut. Via bo cuenta di My
Chamber bo tin aceso n’e portal di KvK y aki bo por regla tur asunto di bo negoshi, order
y paga pa extracto y mucho mas.

Den pasado un extracto tabata un documento exclusivamente riba papel. E sistema nobo
ta introduci algun cambio importante den esaki.

Como cu e extracto ta un documento digital saca for di e sistema, e ta wordo mara na un
codigo p’asina garantisa cu e ta un documento valido y unico.

E codigo aki ta un “QR code” cu bo por scan via un smartphone of tablet cu aceso na
internet.

E extracto nobo por wordo verifica pa su autenticidad via “validate extract” cu ta un
“action” riba e website di KvK. Por yega tambe via e link
aki: https://my.arubachamber.com/validatie. N’e pagina aki bo ta yena e code y asina por
verifica e codigo cu ta duna indicacion cu e extracto ta cuadra cu informacion exacto den
e registro digital di negoshi di KvK.

VERIFICA BO EXTRACTO
Pa verifica e code por yena e informacion den e veld indica y di e forma aki bo ta haya
tur informacion indicando e validez di e extracto y di e compania na cua e extracto aki ta
pertenece.

Un punto hopi importante di e extracto cu mester tene na cuenta ta cu e documento aki tin
un validez di 30 dia.

Pa garantisa y proteha e negoshi y su informacion e ta importante pa pone un limite y
asina garantisa cu bo ta trahando cu un negoshi activo y serio. Ademas e ta importante pa
proteha e cliente y su informacion den e registro di negoshi.

KvK ta percura p’e seguridad di e dato den su sistema y asina tambe garantisa cu e
informacion riba e extracto ta valido, actual y unico.