Page 31 - ATA

wordo trata den e proximo simannan y ta na e alma di politica pa dicidi kico ta bay
pasa.

Si Parlamento di Aruba a cumpli cu su papel den e gobernacion democratico di e pais,

hamas Aruba lo a conoce e crisis cu a presenta su mes. E dependencia di Parlamento na
partido politico a causa e desastre cu Aruba conoce actualmente riba tanto tereno
economico como financiero.

Si politiconan den Parlamento a actua segun nan consenshi, hamas lo a baha BBO y
hamas lo a pasa e proyecto refineria sin exigi cambionan radical.

Sin e aprobacion di mayoria di Parlamento, e situacion cu Aruba conoce actualmente lo

no a presenta su mes. No ta nos ta dicidi di bini cu e ponencia aki pero rapportnan
oficial mes ta papia palabra cla mescos cu e posicion independiente cu instancianan
critico a asumi.

Si tuma nota di rapportnan di Algemene Rekenkamer Aruba, ta haya e confirmacion cu
miembronan di Parlamento ta wordo pidi pa haci nan trabou.

Miembronan di Parlamento no ta wordo paga pa defende nan partido ciegamente. Nan

ta wordo paga pa duna contenido na democracia pasobra sin sosten di Parlamento,
Ministronan no por sikiera keda na mando y sigur no actua contra interes di Aruba.

E bienestar di pueblo di Aruba ta depende completamente di Parlamento, sigur di

mayoria y durante e periodo 2009 pa 2017 cu a marca e caida di Aruba, e mayoria
absoluto den Parlamento tabata e fayo mas grandi den e sistema democratico di Aruba.

Pueblo ta vota pa bienestar di pueblo bira realidad. Pueblo ta vota pa garantisa su

felicidad cu ta depende di e seriedad di Parlamento.

Pa cuminsa Parlamento mester dicidi si ta normal cu e lider politico di AVP por keda for
di Parlamento cu 7 Mil voto. Con por ta posibel cu su propio partido ta duna e permiso

pa e haci y deshaci cu tanto voto?