Page 32 - ATA

No a bira tempo pa Parlamento dicidi cu mester cambia ley di tal forma cu e situacion di
bofon total di e sistema democratico cu e ausencia di e lider di AVP den Parlamento a
crea, hamas lo wordo ripiti?

Unda respet a keda pa pueblo durante a añanan cu e mayoria absoluto den Parlamento
a sigui su lider di partido cu a crea e debe cu awe otro gobierno mester soluciona?

Unda respet pa democracia a keda cu un mayoria absoluto den Parlamento cu a

sostene e acuerdo di Citgo pa no papia mes di e cantidad di placa cu Aruba a perde na
man di un maneho fatal cu a wordo hiba y a hinca Aruba den crisis?

Vacacion a termina. Independencia di Parlamento ta nifica cu no ta color partido ta bay

domina den e situacion serio cu Aruba ta haya su mes aden.

E colornan di partido a sostene e proceso electoral cu a termina na 2017 ora pueblo a
papia den eleccion.

Awor Parlamento tin e deber di traha pa pueblo cu a bira victima di un mayoria absoluto
cu a acepta pa Aruba wordo hinca den crisis financiero y economico. No tin tempo mas
pa e lider politico di AVP sigui causa conmocion riba baricada ni pa su partido sigui

hasta gaña cu ta cualkier partido di Aruba a stroba Citgo bini.

Di e partidonan cu ta sostene gobierno tambe ta spera tur seriedad pa e felicidad di
Aruba wordo garantisa pa e pueblo cu a sufri demasiado na man di wega politico cu a

crea e crisis actual.

https://www.diario.aw/2019/08/dependencia-parlamento-na-partido-a-causa-crisis-di-aruba/