Page 10 - Djaluna 11 februari 2019.pdf

10 Djaluna 11 Febrüari 2019
Vehíkulo ta pega na kandela

WILLEMSTAD.- Kuerpo di Bombero di Rio Canario
ayera a keda dirigí pa Rooseveltweg despues di a risibí
informashon ku lo mester tin un vehíkulo na kandela.
Na yegada di bomberonan huntu ku polis por a
komprondé for di un dama ku algun ratu promé el a
bai drenta den su vehíkulo i start esaki pero mesora el
a tuma nota kon huma a kuminsá sali pa despues parti
dilanti di e vehíkulo a kue kandela.
Bomberonan ku a yega rápido, a paga e kandela i evitá
ku e por a sende e vehíkulo kompletu na kandela.
Forensys tambe a presentá na e sitio pa registrá loke a
tuma lugá.

Kòrsou tin siudadanonan
ehemplar

WILLEMSTAD.- Sin duda, Kòrsou tin siudadanonan
ehemplar. Esaki apesar di tur e kosnan negativo ku
kisas ta pasa diariamente. Ayera despues di a kaba di
hasi su kompranan, un dama a sali i topa ku un tayer
a baha. Pues e dama a haña un ‘flat tire’.Mesora sin
ku el a puntra pa yudansa, dos kabayero a aserk’é
boluntariamente i a kambia su tayer di forma ku e por a
sigui su ruta sin problema. E tipo di aktitutnan aki sigur
ta un ehèmpel ku Kòrsou tin siudadano i kabayeronan
ehemplar den komunidat.