Page 5 - Djaluna 11 februari 2019.pdf

Djaluna 11 Febrüari 2019 5
Segun minister Stef Blok (Relashon Eksterior):
‘Juan Guaidó ta un hòmber ku kurashi’

WILLEMSTAD.- Minister
Stef Blok di Relashon
Eksterior resientemente a
papia ku Juan Guaidó na
telefòn. Asina Blok a bisa
ayera na prensa ulandes.
Blok, ku komo minister
tambe ta representá
paisnan Kòrsou, Ariba i
St. Maarten, a splika ku na
su opinion Guaidó ta un
hòmber ku kurashi. Blok a
splika ku e tabatin un bon
kombersashon ku Guaidó.
Den e kombersashon
Blok a bisa ku e ta apresiá
e dedikashon di Guaidó
pa pueblo di Venezuela,
ku ta den un situashon
sumamente difísil. Tambe
Blok a bisa ku Guaidó ta
hasiendo un bon trabou pa
yega na un demokrasia liber
den e pais.
Manera ta konosí Juan
Guaidó ta presidente di e
parlamento di Venezuela.
Dia 23 di yanüari el a
nombra su mes presidente
interino di Venezuela. Hopi
pais te ainda a rekonosé
Guaidó komo representante
di e pais. Segun Blok meta
prinsipal ta keda ku lo bin
elekshon liber den e pais
mas lihé posibel.