Page 45 - MIN ON

Minister ta confirma desconfiansa den

SMOA cu carta pa Bisdom

Posted on 04/2/2017 10:43 pm AST | Updated on 04/2/2017 10:44 pm AST

ORANJESTAD - Minister Hooyboer ta confirma desconfiansa den Stichting
Middelbaar Onderwijs Aruba (SMOA) via carta pa Bisdom. Den un comunicado e
weekend aki, e mandatario ta referie entre otro n e carta. E carta aki tabata motibo
tambe pa presidente di SMOA Bart Kool retira siman pasa den un forma abrupto.
Hooyboer a confirma e weekend aki cu el a informa Bisdom di Willemstad pa cu e
situacion den SMOA y Colegio Arubano, y a pidi intervencion urgente. Esaki
despues cu OCCA, e comision di mayor di Colegio Arubano a bati alarma riba e
decision di e rector interino y SMOA pa cu retiro masal di docentenan y diferente
otro incidente pa cu e personal di e scol. Mescos cu OCCA, Hooyboer ta indica den
su carta na Bisdom di ta hopi preocupa pa e continuidad na Colegio Arubano y pa e
interes general di studiante y docentenan di dicho scol.

PROBLEMA CU SMOA/COLEGIO

Conforme e denominacion di Colegio Arubano y e statutonan di SMOA e hunta di
supervision ta consisti di un miembro cu ta wordo apunta pa Bisdom di Willemstad, un
otro miembro cu ta wordo apunta pa e comision di mayor OCCA y e demas miembronan
ta wordo apunta door di e dos miembronan aki cu ta wordo considera e miembronan
primordial. Mirando cu OCCA, siendo parti nan mes di e hunta di supervision di Colegio
Arubano ta bati alarma ta un indicacion fuerte di un situacion sumamente problematico y
preocupante den SMOA. Lastimamente mester constata cu actualmente conforme e
structura gobierno como stakeholder y subsidiario no ta wordo representa den SMOA.

SITUACION ACTUAL

Hooyboer-Winklaar ta indica den su carta cu e situacion actual ta e resultado directo di e
ultimo cambionan di statuto di SMOA cu ta contra ley y tambe door di e maneho
autoritario y solista di e presidente di e hunta di supervision sr. Bart Kool. Segun e
mandatario Ministerio di Enseñansa, riba conseho di departamento di asuntonan huridico
di gobierno, na mas cu un ocasion a informa SMOA cu a cambionan di statuto ta contra
ley y cu si esakinan no wordo ahusta bek cu lo por tin consecuencia grandi pa cu e
relacionnan di autoridad y responsabilidad interno y externo.

RELACION CU SMOA Y BART KOOL

Den e carta na Bidsom Hooyboer ta cataloga e relacion y comunicacion cu SMOA y
particularmente cu Bart Kool e ultimo añanan aki como sumamente dificil y casi