Page 18 - BNDIA ARUBA

A18 DEPORTE
Diamars 25 september 2018

Team Kingdom ta sali Campeon den Torneo di Super6

ORANJESTAD - Den weekend a cu pasa ekipo di Hu-
landa a titula campeon di e torneo Super6 pa prome
biaha den historia. Ta bon pa remarca cu ekipo di Hu-
landa a hunga tur su weganan y no a perde niun wega
y asina ta titula campeon invicto.

Ainda nos por corda ora e pelotero Randolph Oduber y Sic-
narf Loopstok a sali rumbo pa Hulanda pa asina reforsa ekipo
di Team Kingdom. Esaki tabata prome biaha cu e pelotero
Sicnarf Loopstok a haya e oportunidad pa asina bay hunga cu
ekipo di Hulanda den cual Sicnarf ta logra di marca un stem-
pel durante torneo aki, caminda cu durante tres wega Sicnarf
ta logra di conecta 5 Hits y 2 homerun y asina bira e MVP di
torneo cu un Avg. 455.

Randolph tambe a batia hopi bon durante e torneo y a salba
ekipo di Hulanda cu Walkoff durante e partido contra di Italia.
E otro peloteronan Arubiano cu tambe a hunga cu ekipo di
Hulanda ta Dwayne Kemp y Gilmer Lampe kendenan tambe
a conecta diferente hit den cual Dwayne Kemp tambe ta logra
di conecta un homerun durante e torneo di Super6.

Un pabien ta bay na ekipo di Hulanda y na tur e Arubiano cu
a sabi di haci un tremendo presentacion den e torneo aki.