Page 11 - KPA

Dakota -Diabierna den oranan di madruga ta sosode un accidente cu un persona
herida, na e rotonde di Dadelstraat, mesora a manda polis y ambulance na e
sitio.

Na yegada nan ta bin compronde cu e chauffeur pa un o otro motibo no a para
na e rotonde y sigui straight, subi e rotonde y dal contra un palo di luz. E
chauffeur no tabata tin su seatbelt bisti y door di e impacto fuerte ela bay dal su
cabes den e windshield y a keda herida.

Despues cu personal di ambulance a trata e vicitima na e sitio, nan a transport’e
pa hospital.

MARRIOTT Y HOLIDAY INN CONFRONTA

CU MENASA DI BOM

March 19, 2017 adminarubanative Uncategorized Leave a comment

Palm Beach – Diasabra merdia e bomb squad di Cuerpo Policial Aruba ta bay riba
alerta, momento cu informacion a drenta relaciona cu un bom.

E sitio tawata lobby di Holiday Inn. Den careda di 2’or di merdia, operator di
Holiday Inn ta haya un yamada, di un persona cu ta bisa cu sea e a pone of lo
tin un bom den nan lobby.

Den algun minuut e team special di polis cu ta trata cu bom a yega e sitio. E
area a wordo cera, caminda niun auto por a para y baha hende na e entrada.

Despues di basta rato di controla e area di e lobby, e bomb squad no a topa cu e
supuesto bom, indicando asina tambe cu tawata trata di un bom melding falso.

Mas cu claro lo tin un o mas persona tras di e ‘joke’ malo aki.

Marriott Hotel mas anochi

Den careda di 9:30pm polis ta bolbe wordo notifica di un otro incidente similar.
Marriott Hotel tambe a haya un menasa di bom. Bomb Squad di Cuerpo Policial
mester a bolbe wordo notifica. Un biaha mas nan no ta haya nada.