Page 14 - KPA

Ladronnan ta laga Van di Dunkin Donuts atras y

horta un Nissan Sentra

13 hours ago 0 40 Views
Pedro Gallegostraat – Diadomingo den oranan di atardi polis ta wordo informa cu un Van Suzuki
cu e logo di Dunkin Donuts a wordo horta.
Esaki a pasa den oranan di dia, for di Pedro Gallegostraat area di Marlboro Ballpark.
Polis a tira bista rond den e area, pero no a bin topa cu Van.
Algun rato despues esnan responsabel pa e Van a track e via GPS cu e ta na altura di Sabana
Liber. Mes ora patruya nan a bay e sitio.
Na altura di Shasha, nan ta bin topa e Van dilanti un cas. Ey nan ta papia cu un persona y e ta
contanan cu “nan” lo a para e Van eynan y horta su Nissan Sentra color shinishi.
Polisnan cu a yega e sitio a sali mes ora tira bista pa wak si ta haya e Nissan, pero sin resultado.
Takelwagen a ser pidi pa hiba e Suzuki van warda di polis pa mas investigacion.

Basta placa haya ariba dos homber indocumenta

20 hours ago 0 74 Views
Sabana Liber – Diadomingo merdia polis ta detene e dos cabayeronan aki. Nan lo tawata den un
auto cu a hit and run un rato prome.
Segun informacion, despues cu e auto cu nan tawata den dje a dal tras di un KIA Sportage ambos
a baha for di e auto, cu ta aparentemente un BMW, caminda manera a wordo bisa caba ela dal y
move di e sitio.
Polis cu a haya informacion cu nan dos lo a baha di e auto cu a hit and run, a bay controla nan y
na e momento ey nan no tawata tin ningun documento cu nan, haciendo nan indocumenta. Den
nan poder nan tawata tin tambe bastante cash. Ambos a wordo deteni y hiba warda di Shaba.