Page 18 - KPA

Noticia di Polis: Polis ta

detene hobennan cu

droga

Published on March 20, 2017 in Policial
ORANJESTAD, Aruba

Diabierna, pa mas of menos 8’or y mey di anochi, polis tabata den Koningstraat, na
altura di “Dimas”, ora cu nan a mira riba un distancia cuater hoben cu tabata canando
direccion pariba. Ora cu nan a mira auto di polis cu tabata bayendo den nan direccion,
nan a scoge pa corre bay riba e parkinglot pabao di Dimas. Polis a logra para tur cuater
hoben den Rockerfellerstraat. Mientras tanto a bay controla den e parkinglot caminda
cu un rato prome nan a core ariba. Riba e ruta tuma door di e hobennan, a bin topa cu
un tas preto bao di un pickup di marca Volkswagen tipo Amarok.

E tas tabata poni patras di e taira patras banda drechi. Tambe polis a mira un tiki mas
leu un saco doorzichtig cu un cantidad di marihuana. Ora cu a habri e tas, a mira tres
saco chikito cu varios saco chikito den dje cu un substancia parecido na cocaina. Riba
e parking lot no tabatin ningun otro auto. A base di esaki, e cuater sospechosonan
yama RAG, DP, SIS y JJH, a wordo deteni. Nan a wordo hiba na warda di Playa,
caminda nan no a firma nigun di e documentonan cu nan mester a firma. E
sospechosonan a wordo presenta dilanti di fiscal auxiliar y a laganan wordo encarcela
na warda di Shaba.

Noticia di Polis: Angelo

Rodriguez cu luznan di

pickup den su poder

Published on March 20, 2017 in Policial
ORANJESTAD, Aruba