Page 23 - KPA
P. 23
Noticia di Polis: Homber
a insulta polis ora cu
nan atende riba su auto
Published on March 17, 2017 in Policial
ORANJESTAD, Aruba
Durante patruya di polis pa mas of menos 1:30 diamars marduga a mira un Nissan
Sentra, color cora den B v/d Veen Zeppenfeldstraat, na altura di Fan Bar & Restaurant.
Banda di e auto parti robes tabata para un ser femenina ta conversa cu e chofer.
Patruya na su turno a pita e chofer pa e sigui corre debi cu e stroba trafico. Un rato
despues patruya tabata core den B v/d Veen Zeppenfeldstraat y a mira mesun auto
ainda tabata na e mesun luga. Patruya a haci seña pa stop, pero esaki a bira na man
drechi den Rembrandstraat, a hisa su velocidad y a sigui core y drenta un biaha mas
den B v/d Veen Zeppenfeldstraat. Despues patruya a topa cu e auto para na altura di
Caracas Bar. Un persona cu un camisa roos a sali for di den e auto. Ora cu a yega na e
auto, polis a topa cu e homber kende despues a resulta di ta OCIG, bisti cu un camisa
roos, sinta dilanti di e auto. E yabi tabata den e contact y e auto tabata sendi. A puntra
G pa su rijbewijs y pa e documentonan di e auto. El a declara cu e no sa nada di e auto
y e tin ya mey ora eynan sinta y cu e auto ta di su ruman cu a caba di cana bay. Polis a
pidi pa su ID, mirando cu e no tabata tin un rijbewijs cun’e.
Un biaha mas polis a pidie pa documentonan di e auto, cual e la declara cu e no lo saca
e documentonan pasobra e auto no ta di dje y pa polis warda riba su ruman pasobra na
e momento ey e tabata bezig cu un barbuleta. Polis a controla e number y a wordo
avisa cu e belasting di e auto no ta paga. Polis a informa G. cu e auto lo wordo poni na
warda. E la cuminsa expresa palabranan menos nechi contra polis. Geerman a wordo
deteni y durante cu a ristr’e, den su cartera, polis a haya su rijbewijs valido. G. a wordo
hiba na warda di San Nicolas y a wordo presenta dilanti di fiscal auxiliar y despues
encarcela pa e saca su wayaba. Despues un proces verbaal lo wordo traha p’e. Central
a wordo poni na altura.
Noticia di Polis: Polis ta
haya homber cu
