Page 21 - KPA

ORANJESTAD, Aruba

Diabierna, pa mas of menos 8’or y 10 di anochi, Central a dirigi patruya na un luga di
loteria situa entre Bar a Bar y Euphoria, caminda cu un rato prome un atraco a tuma
luga. Eynan a papia cu e bendedo di catoochi T., kende a declara cu e tabata hunto cu
2 otro homber cu frecuentemente ta bin cumpra lotto na su tienda. Despues a bin dos
homber desconoci color cla. Un di nan tabata tin un pechi blauw, bril y un jas preto. E
otro tambe tabatin un jas preto bisti y un carson cortico. Esun cu carson cortico tabatin
un arma di candela color preto den su man y a bisa pa tur hende wak abao, sino e lo
tira. E otro homber a bisa T. pa dune tur placa cu e tabatin cune. T. a dune loke e la
bende riba e dia, cu ta mas of menos 800 florin y tambe e la bise pa dune su tas y su
celular. Den su tas e tabata tin mas of menos 750 dollar. E tabatin un celular preto di
marca Samsung. Ambos homber a papia bon Spaño, parecido na venezolano. Segun
esun cu arma a bisa cu ningun hende mag grita y nan mester keda cu nan cabes baha,
sino nan lo bin bek y tira nan mata. Despues e hombernan a cana bay direccion zuid.
Atraco team, Slachtofferhulp y Central a wordo poni na altura.

Noticia di Polis: Turista

burachi tabata comporta

masha malo den casino

Published on March 20, 2017 in Suceso
ORANJESTAD, Aruba

Diasabra, pa mas of menos 3’or y 25, Central ta dirigi patruya direccion un High Rise
Hotel, caminda un hende tabata pidi asistencia di polis. Eynan a papia cu un huesped
M.S., kende a declara cu algun minuut prome, e la wordo saca for di e casino na un
manera agresivo unda a gare na su nek pa sake. E turista M.S. no tabata di acuerdo y
e ta di opinion cu door cu e ta gasta hopi placa, cu e mester wordo miho trata. Di biaha
polis a ripara cu S. tabata bao di influencia di alcohol. E tabata papia hopi duro y su
wowonan tabata cora, e tabata papia cu lenga pisa y su canamento tabata zig zag. A
papia cu e floormanager di e casino, M., kende a declara cu mas tempran durante e
anochi, e mesun huesped aki tabata haci desordo y tabata comporta su mes masha
fresco mes. E tabata tilda e personal presente cu nan lo a horta $200 for di dje. E
homber a wordo atendi riba su comportacion, pero no tabata mustra ningun respet.
Security V. a splica cu e y otro dos security a rondone, pero e no kier a bay direccion di
e salida. Nan a gare na su schouder y a gui’e pafo, segun V. Polis a papia un biaha