Page 48 - KPA

Homber jaloers ta pone muhe kore
den skwal

Polis di trafico a presenta y a opta pa yama instancia concerni:
Riba e caminda di Kibaima diamars anochi a sucede un accidente unda un auto a dal y kibra un
palo di luz pero e auto a sigui core bay. Tabata un problema entre homber cu muhe debi na jaloers.
E dama taxista a bay para te na Seri Tijshi y tabata spanta y yora so. Polis di trafico a presenta y a
opta pa yama instancia concerni pa papia cu e dama debi cu e tabatin problema cu su pareha, y e
pareha a pone pasa den un accidente. Elmar a presenta unda e palo di luz tabata kibra pa drecha
esaki di biaha.

Falta di preferencia: Auto a bolter ariba
Sasakiweg

Departamento di trafico di Cuerpo Policial a haci nan investigacion na e sitio.
Diamars den careda di 11’or mainta tanto ambulance, brandweer y polis ta keda manda cu urgencia
pa e crusada na Sasakiweg cu caya Punta Brabo pa un accidente pisa. Na yegada di patruyanan ta
topa cu un hyundai santa fe cu a bolter y un hyundai accent basta kibra. Ta asina cu e santa fe a
subi e crusada sin a duna preferencia na e accent bayendo direccion zuid. E impacto a saca un
persona for di e auto y a keda atendi di biaha pa personal di ambulance. Unidad di bombero tambe
a duna man na e personal di amnbulance, y e autonan policial tabatin e caminda cera pa ningun
trafico pasa y stroba.