Page 50 - KPA
P. 50
Diamars atardi laat bahada di solo e sospechoso Alexis Martina Del Bolbodas cu ta deteni for di diamars
mainta ora a haye cu arma na Brazil a huy for di warda di San Nicolas. E ta un sospechoso peligroso el a logra
huy net momento cu un oficial a mira esaki a core bati alarma. E ta naci na Aruba 18 februari 1997. Color scur
y ta midi 1.80 meter y su brasa drechi ta den gips color cora.
Durante control Polis a detene
personanan indocumenta
Un total di 5 persona a keda deteni
Dialuna atardi por a tuma nota cu e patruya di Noord a tene un control na e rotonde altura di Tanki
Flip. A para varios auto y controla si nan tin nan documentonan na ordo, e.o seguro, belasting di
number paga na ordo. Pero ora a para un chevrolet e personanan den e auto a cuminsa actua
sospechoso, e oficial a bay pa controla e persona a resulta cu nan no tin documento pa demostra cu
nan ta legal na Aruba. A bay cu nan tur tres pa warda unda lo investiga hunto cu guarda nos costa.
Riba mesun dia oficialnan di Guarda nos Costa subi caya despues di a haya tipnan unda lo tin
personanan ilegal trahando. A haci bishita na tanto Rooi Afo, Paradera y mas caminda. Na un cas
den construccion a logra haya persona indocumenta trahando. Un total di 5 persona a keda deteni
hiba pa nan post y caminda e proceso lo cuminsa pa asina deporta e personanan aki.\
