Page 12 - MIN VOS

AWEMainta Diamars, 14 Februari 2017 17

Trevor van der Biezen y Jeremy
Ras ta triunfa den tenis di mesa
Copa Betico na San Nicolas

RECIENTEMENTE Copa Betico Croes den e deporte di tenis di mesa

a wordo hunga na IBiSA San Nicolas unda nos hobennan a enfrenta otro
den e categorianan U-11 y U-18.
Mester bisa cu e bataya tabata uno fuerte den ambos categoria.
Den e categoria U-11, e hoben Trevor van der Biezen a resulta e ganador,
mientras cu e rumannan Dylan de Leca y Brandon de Leca a resulta na
di dos y di tres lugar.

Pa loke ta categoria U-18, aki e hoben Jeremy Ras a resulta e ganador,
mientras el a haya resistencia fuerte di e hobencita Joseline Boekhoudt,
kende a keda na di dos lugar, mientras Jermaine Ras a ocupa e posicion
number tres.
Mester bisa cu e deporte di tenis di mesa a crece den e ultimo añanan
tanto pabou como pariba di brug.
Mas y mas mucha y hoben ta cuminsa practica e deporte di raket y e
federacion ta traha duro pa guia cada un den e bon desaroyo.

Ya caba ta formando algun talento cu tin varios experiencia internacional.
Den e siman aki mes e dos atletanan di tenis di mesa Jeandry Mathilda
y Jean Claude Hoek lo representa Aruba den e Florida Orange Blossom
Table Tennis Series na LakeLand, Florida.
Un torneo grandi cu un total di 80 hungador rond Merca ta participa
na dje.
Pa nos atletanan di tenis di mesa esaki sigur ta un otro experiencia in-
ternacional mas y un bon chens pa midi nan nivel den comparicion cu
otro atletanan prospecto internacional.

Un danki sigur na Lotto, e Loteria di Aruba pa medio di Comision di
Subsidio cu a subsidia e torneo Copa Betico Croes di tenis di mesa na
San Nicolas