Page 27 - MIN VOS

Seleccion Oranje ta train contra di
e profesionalnan Coreano

14 February, 2017
0

SCOTTSDALE, Arizona -E seleccion Hulandes lo hunga e siguiente dos
simannan, durante nan sesion di entrenamento na Arizona, un total di cinco
wega di fogeo. Cuater di nan lo wordo hunga contra di clubnan profesional
Surcoreano.
Diadomingo merdia e seleccion Hulandes a cuminsa cu nan sesionnan na
Arizona. E coach Hensley Meulen a traha riba e entrenamento central awe na e
Giants Baseball Complex. Diariamente e entrenamentonan ta wordo sigui door
di un entrenamento di forsa den e sala di fitness di e compleho deportivo di San
Fransisco Giants Mayor League Club.
Diamars y diaranson tin entrenamentonan programa. Diahuebs seleccion Oranje
lo hunga nan prome wega di fogeo, na Tucson, Arizona contra di KT Wiz. Un dia
despues e seleccion Oranje lo hunga un otro wega contra di NC Dinos, cu e
temporada pasa a yega e serie Coreano.
Despues di dos dia di entrenamento, e programa ta sigui riba 20 di Februari cu
un wega contra na Scottsdale contra di e team di College GateWay Community
College. Cuater aña pasa tambe Oranje a train contra di e team aki. E tempo ey
como preparacion pa e di tres edicion di World Baseball Classic. E seleccion
Hulandes a gana di GateWay Geckos 4-1.
Durante e campaña di entrenamento na Arizona, Oranje lo hunga dos wega di
fogeo contra di LG Twins. E wega aki contra di e dos biaha campeon di Corea lo
wordo hunga diabierna 24 di Februari y Diasabra 25 di Februari den e Giants